Яшчэ адна выдатная нагода наведаць Любань!
02.08.2021Любанскі музей народнай славы запрашае наведаць выставу “Паэзія народных строяў”. У экспазіцыі прадстаўлена прыватная калекцыя традыцыйнага народнага адзення, сабраная жыхаркай вёскі Смалічы Капыльскага раёна Навіцкай Аляксандрай.
Дзевятнаццаць строяў першай паловы ХХ стагоддзя з розных куткоў Беларусі ўражваюць сваёй разнастайнасцю, самабытнасцю, багаццем аздабленняў, выкананых ва ўсемагчымых тэхніках: вышыўкі, узорнага ткацтва, аплікацыі, карункапляцення і інш. – пры дапамозе мовы колеру, формы і арнаменту адкрываюць нам патаемныя законы прыгажосці народнага мастацтва.
Экспазіцыя працуе з 27 ліпеня ў будынку музея па вуліцы Леніна 17, кошт уваходнага білета для школьнікаў 1.00 руб., для дарослых 2.00 руб. Даведкі па тэл. 55 032; 68 125
